Amhráin agus Rannta don Aos Óg atá anso agus iad a rá ag Bernie Pháid Ní Mhuircheartaigh agus ag Páidí Mhárthain Mac Gearailt ó Chorca Dhuibhne, Co. Chiarraí. Leanann seo Sicín Mise go Sona Sásta a d’eisigh Oidhreacht Chorca Dhuibhne i gcomhar leis na hamhránaithe céanna sa bhliain 2014. Áis í seo do Chuairteoirí Baile de chuid Tús Maith, Scéim Tacaíochta Teanga do thuismitheoirí Gaeltachta ag Oidhreacht Chorca Dhuibhne, Baile an Fheirtéaraigh, Co. Chiarraí agus do Chúntóirí Teanga i mbunscoileanna Chorca Dhuibhne. Deineadh an t-ábhar a thaifead le maoiniú ón Roinn Ealaíon, Oidhreachta, Gnóthaí Réigiúnacha, Tuaithe agus Gaeltachta.
Buíochas le Donogh Hennessy a bhí i mbun taifid agus tionlacain ar an ndlúthdhiosca. Ba é Dómhnal Ó Bric, Dún Chaoin, Co. Chiarraí a bhí i mbun ealaíne agus Feargal Mac Amhlaoibh, Inné Teo., Dún Chaoin, Co. Chiarraí an dearthóir. Allmedia a chuir i gcló. Orlaith Ruiséal (Tús Maith & Oidhreacht Chorca Dhuibhne) a chomhordaigh an togra.
Tá an dlúthdhiosca ar fáil anso thíos ina iomlán, nó is féidir na hamhráin aonracha a chur ar siúl níos faide síos ar an leathanach so. Tá na focail ar fáil do gach ceann acu thíos ach cliceáil orthu.
Ó is a tiuc, tiuc, tiuc,
Táim cráite agaibh
Is a tiuc, tiuc, tiuc,
Bíg’ sásta anois.
Gan bróig ar mo chosa
Ná cóta ar mo chorp,
Is a gug, gug, gug,
Bíg’ ag glágarnaigh x 3.
Cnag ar an ndoras
Féach isteach
Ardaigh an laiste
Is siúil isteach.
Suigh ar an stól
Is bí ag ól
Is Dé do bheathasa ar maidin x 2.
Tá Conall Beag istigh sa tigh,
Istigh sa tigh, istigh sa tigh,
Tá Conall Beag istigh sa tigh
Is tá sé crosta a dhóthain.
Curfá
Ó mo mhíle gile thú
Grá mo chroí is fiche thú
Ó mo mhíle gile thú
Is tú peata geal do mháthar.
Ní éistíonn sé le aon chomhairle,
Le aon chomhairle, le aon chomhairle,
Ní éistíonn sé le aon chomhairle
Ní chuirfidh éinne treoir air.
Curfá
Bíonn a dhreatháir Tadhg a’ tabhairt aire dho
A’ tabhairt aire do, a’ tabhairt aire dho,
Bíonn a dhreatháir Tadhg a’ tabhairt aire dho
Nuair a bhíonn a Mhamaí gnóthach.
Curfá
Tá Conall Beag ina pheata ag Mam
Ina pheata ag Mam, ina pheata ag Mam,
Tá Conall Beag ina pheata ag Mam
Ag déanamh leithscéil dó i gcónaí.
Curfá
Íní míní maidhní mó
Dhein Séan bróig nua
An mó tairne
A chuir sé ann?
Íní míní maidhní mó x 2.
Isteach ‘s amach le Jeaicí Bluebell,
Isteach ‘s amach le Jeaicí Bluebell,
Isteach ‘s amach le Jeaicí Bluebell,
An lá go léir x 3.
Rat-a-tat-tat ar do ghuala,
Rat-a-tat-tat ar do ghuala,
Rat-a-tat-tat ar do ghuala,
An lá go léir x 3.
Dhá éinín bheaga
Suite ar an gcrann,
Seo é Peadar
Seo é Pól.
Imigh leat, a Pheadair
Imigh leat, a Phóil,
Tar thar n-ais, a Pheadair,
Tar thar n-ais, a Phóil x 2.
“Ceol” arsa an t-asal
Is é amuigh sa ghort
“Éist le mo cheolsa
‘Sé is binne port
Hí há, hí há, hí há há há há há”
“Ceol” arsa an chaora
Is í amuigh sa ghort
“Éist le mo cheolsa
‘Sé is binne port
Meá, meá, méa, meá, meá”
“Ceol” arsa an madra
Is é amuigh sa ghort
“Éist le mo cheolsa
‘Sé is binne port
Bhuf bhuf, bhuf bhuf, bhuf bhuf, bhuf bhuf, bhuf bhuf”
“Ceol” arsa an cat
Is é amuigh sa ghort
“Éist le mo cheolsa
‘Sé is binne port
Míabh, míabh, míabh, míabh, míabh”
Cé a chuirfidh tú liom ag casadh na mbó
Ag casadh na mbó, ag casadh na mbó?
Cé a chuirfidh tú liom ag casadh na mbó?
Le diolsaí, dolsaí, dé-ró.
Cad a thabharfaidh tú dhom ar ainm a rá
Ar ainm a rá, ar ainm a rá?
Cad a thabharfaidh tú dhom ar ainm a rá?
Le diolsaí, dolsaí, dé-ró.
Gheobhair hata páipéir ar ainm a rá
Ar ainm a rá, ar ainm a rá
Gheobhair hata páipéir ar ainm a rá
Le diolsaí, dolsaí, dé-ró.
Ní leor dom é sin ar ainm a rá
Ar ainm a rá, ar ainm a rá
Ní leor dom é sin ar ainm a rá
Le diolsaí, dolsaí, dé-ró.
‘Sé Diarmuid a’ Tobair an buachaillín breá
Buachaillín breá, buachaillín breá
‘Sé Diarmuid a’ Tobair an buachaillín breá
Le diolsaí, dolsaí, dé-ró.
Cuirfeadsa leat é ag casadh na mbó
Ag casadh na mbó, ag casadh na mbó
Cuirfeadsa leat é ag casadh na mbó
Le diolsaí, dolsaí, dé-ró.
An ghaoth aduaidh, bíonn sí fuar
Is cuireann sí fuacht ar dhaoine.
An ghaoth aneas, bíonn sí tais
Is cuireann sí rath ar shíolta.
An ghaoth aniar, bíonn sí fial
Is cuireann sí iasc sna líonta.
An ghaoth anoir, bíonn sí tirim
Is cuireann sí sioc istoíche x 2.
An bóthar ó thuaidh, an bóthar ó thuaidh,
An bóthar ó thuaidh go Corr Áille,
An bóthar ó thuaidh ‘s an cóngar aduaidh,
‘S an bóthar ó thuaidh go Corr Áille.
Curfá
An bóthar ó thuaidh, ó thuaidh, ó thuaidh,
An bóthar ó thuaidh go Corr Áille
An bóthar ó thuaidh ‘s an cóngar aduaidh,
‘S an bóthar ó thuaidh go Corr Áille.
Do ghearrachois deas, do ghearrachois deas,
Do ghearrachois deas, a Nóra,
Do ghearrachois deas ód ghlúin go dtí t’alt,
‘S na cailíní ar fad go córach.
Curfá
Corraigh do chois is corraigh do chois,
Is corraigh do chois, a Sheáinín,
Corraigh do chois, do chroí is do chorp
Is beimid go luath i gCorr Áille.
Curfá
Luichín i bpoll
Is a cheann amuigh
Caitín róramhar chun dul isteach
Ceann acu istigh
Is ceann acu amuigh
Nach mór an seó a bhí
Ag an gcat is an luch?
Táim gan im gan ór
Táim gan ór, gan airgead
Tá mo ghabhar sa phóna
Is níl aon deoir dá bhainne agam.
Curfá
Puisín ó rabhdlam rabh
Puisín ó rabhdlam cailleachaí
Puisín ó rabhdlam rabh
Bainne na ngabhar is é a’theannadh leat.
Tá seanabhean thiar sa Chom
Is tá dhá ghabhar agus fiche aici
Dá mbeadh mo ghabhar ina dteannta
Bheadh sé chomh ramhar le muc aici.
Curfá
Bhíosa lá ar an bhfaill
Chonacsa radharc ar ghiorraithe
Ligeasa fead ar mo ghadhar
Is tháinig sé chugam is fuinneamh fé.
Curfá
Táim gan im gan ór
Táim gan ór, gan airgead
Tá mo ghabhar sa phóna
Is níl aon deoir dá bhainne agam.
Curfá x 2.
Tá dhá ghabhar is mionnán agam
Tá dhá ghabhar is mionnán agam
Tá dhá ghabhar is mionnán agam
Is pocán ceannfhionn bhuí.
Curfá
Tairse abhaile, a Bháibín ó
Tairse abhaile, a Bháibín ó
Tairse abhaile, a Bháibín ó
Mo bháibín ó, mo chroí.
Tá dhá bhó san Oileán agam
Tá dhá bhó san Oileán agam
Tá dhá bhó san Oileán agam
Is tarbh sa pháirc seo thíos.
Curfá
Tá dhá chaora is uan agam
Tá dhá chaora is uan agam
Tá dhá chaora is uan agam
Is reatha maorga groí.
Curfá
Tá dhá chearc is coileach agam
Tá dhá chearc is coileach agam
Tá dhá chearc is coileach agam
Is cearc ar gor ina luí.
Curfá
Tá dhá ghé is góislín agam
Tá dhá ghé is góislín agam
Tá dhá ghé is góislín agam
Is gandal láidir groí.
Curfá
Tá dhá mhuc ar salann agam
Tá dhá mhuc ar salann agam
Tá dhá mhuc ar salann agam
Is banbh ar chúl an tí.
Curfá
An bhfaca tú mo Shéamuisín?
Mo mhuirnín is mo bhuachaillín.
An bhfaca tú mo Shéamuisín?
Is é ‘gabháil síos an bóthar.
Ní raibh bróig ná stoca ar a dhá choisín.
Ar a dhá choisín, ar a dhá choisín.
Ní raibh bróig ná stoca ar a dhá choisín.
Níl an caipín air ná a chlóca.
Ag dul ar scoil tá Séamuisín
Mo mhuirnín is mo bhuachaillín
Ag dul ar scoil tá Séamuisín
‘S a leabharín buí ina phóca.
Ar a dhrom tá máilín beag
Tá máilín beag, tá máilín beag
Ar a dhrom tá máilín beag
‘S a lón beag ann is dócha.
Rugadh é i Móin a’ Rí
Ar thaobh an chnoic i dtigh beag tuí
Rugadh é i Móin a’ Rí
I dtigh in aice an bhóthair.
Grá mo chroí mo Shéamuisín
Mo mhuirnín is mo bhuachaillín.
Grá mo chroí mo Shéamuisín
Ar maidin is tráthnóna
© 2023 · An Cúntóir · Oidhreacht Chorca Dhuibhne